ogham raithní

Is mar seo a scríobhtar "fáilte" in oghaim, a Dhubhaltaigh, ag léamh ó bhun go barr. :-)

ogham sa charrchlós

Bhíos ag siúil tríd an gcarrchlós Montlake ag Ollscoil Washington ar mo bhealach chuig an IMA (an spórtlann) tráthnóna inniu nuair a chonaic go raibh teachtaireachtaí oghaim i bhfolach sna stríoca ar an lár. Níl ag teastáil uaim anois ach duine a bhfuil Photoshop aige agus scil aige ann leis na teachtaireachtaí seo a nochtadh! :-) Línte a bhaint amach nó a ghiorrú is mó a bheadh ag teastáil. Fuair mé an íomhá den charrchlós céanna ó Google Maps.

an dlúthbhaint idir A agus M

Mar a dúirt mé cheana, níl le déanamh le M mór a dhéanamh, más scríobhaí Gaelach thú, ná eireaball a chur le cibé sórt A a thaitníonn leat! Seo cúpla solaoid eile daoibh: A amháin agus dhá M.

tomhas

Seacht fedh chonchobuir mic nessa.

Seacht fedh Chonchobuir mic Nessa.
en fedh Adhaimh méd ngossa.
coic fedh Conchobhuir Mhaínaigh
isna daínibh innossa.

Seacht in am Chonchobhair mhic Neasa.
aon in am Adhaimh “méid gusa”.
cúig in am Chonchobhair Mhainigh
ins na daoinibh anois.

Conchobhar Maineach = Conchobhar de Uí Maine (Hy Many), sean-ríocht i gCo. na Gaillimhe

“méid gusa” = cheville (stuáil véarsaíochta nach gcuireann mórán le brí an dáin) nach dtuigim go hiomlán

Chuir mé an rann seo faoi bhráid Old-Irish-L aréir. Níl a fhios agam beo céard atá i gceist!

do chara liom san ospidéal

Tá sí an-tinn, ach tá muid beo i ndóchas.

trí cheannlitir eile

Tá siad seo ón lámhscríbhinn chéanna, Stowe 992. An cheist chéanna: an aithníonn sibh iad?

ceannlitir

Tá an ceannlitir seo le feiceáil sa LS Stowe 992. An aithníonn sibh í?